`கோள்` எனும் அறிவியல் தமிழ்ச்சொல்லும், `கிரகம்` எனும் மூடநம்பிக்கை வடமொழிச் சொல்லும் -இதழ் 9

Rosei Kajan

Administrator
Staff member
#1
1554065757721.png


கிரகம், நவக்கிரகம் போன்ற சொற்களைப் பலரும் தமிழ் எனத் தவறாக நினைத்திருக்கலாம், ஆனால் அவை தமிழ்ச் சொற்களல்ல, மாறாக வடமொழிச் சொற்கள். அவற்றுக்குரிய தமிழ்ச் சொற்கள் முறையே ‘கோள்’, ‘ஒன்பான்_கோள்கள்’ என்பனவாகும்.



கோள் என்பது தமிழ் மட்டுமல்ல, அது ஒரு அறிவியற் சொல்லுமாகும். விண்ணில் மின்னுவன `மின்` எனப்பட்டு, `மீன்` ஆகியது. அதனாலேயே Star இனை தமிழில் ‘விண்மீன்’ என்கின்றோம். கோள்களைப் பொறுத்தவரை அவற்றுக்குத் தாமாக ஒளிரும் தன்மையில்லை, மாறாக விண்மீன்களிலிருந்தே ஒளியினைப் பெறுகின்றன. இவ்வாறு ஒளியினைக் கொள்வதால் `கோள்` எனப்படுகின்றது (மின்-மீன் போன்று கொள்-கோள்).



இதனாலேயே `Planets` தமிழில் `கோள்கள்` எனப்படுகின்றது.



இப்போது கிரகம் ( ग्रह ) என்ற வடசொல்லிற்கு என்ன விளக்கம் தெரியுமா? ஆளுகைப்படுத்தல். நவக்கிரகம் (नवग्रह ) என்பது `ஒன்பது ஆளுகைக்காரர்கள்` எனப் பொருள்படும். அதாவது சோதிட மூடநம்பிக்கையினை அடிப்படையாகக் கொண்ட விளக்கமே கிரகம் என்பதாகும்.



• “சோதிடம்தனை இகழ்” என்கின்றார் பாரதியார்.



• “பொதுவாகவே சோதிடம் இன்ன பிற மர்மமான விசயங்கள் குறித்த நம்பிக்கைகள் எல்லாம் ஒரு பலவீனமான மனதின் அடையாளங்கள். எனவே இத்தகைய விசயங்கள் உங்கள் மனதில் பிரதானமாக விளங்க ஆரம்பித்ததென்றால் உடனே நல்ல மருத்துவரை பார்த்து நன்றாக உணவருந்தி ஓய்வெடுங்கள்.” என்கின்றார் விவேகானந்தர்.



• “நாளும் கோளும் அஞ்சத் தகுந்தன அல்ல” (ஆசறு நல்ல நல்ல அவை நல்ல நல்ல) என்கின்றார் சம்பந்தர்.



இவ்வாறு சோதிடத்தை அறிவியல் மட்டுமல்ல, தமிழ் மெய்யியலுமே ஏற்றுக்கொள்ளமாட்டாது.


1554065802065.png
ஒன்பான்_கோள்கள் (நவக்கிரகம்) பற்றிய கருத்து பவுத்த மரபிற்கமைந்த அயந்தா ஒவியங்களிலேயே உண்டு.




சமண மதத்திலும் 9 தீர்த்தங்கரர்களாக ஒன்பான் கோள்களைக் கொள்ளும் மரபு உண்டு. பின்னர் வைதீகமதம் இதனை உள்வாங்கி முதன்முதலில் முதலாம் குலோத்துங்கன் காலத்திலேயே (CE 11th cent) நவக்கிரகங்களிற்கு எனக் கோயில் கட்டி வழிபட ஆரம்பித்து. இது இன்று வரைத் தொடர்கின்றது. இன்றுவரை இந்துமதத்திற்கு `ஞாயிறு(sun) ஒரு கோள்(planet)`. அதாவது விண்மீன்-கோள்(star-planet) வேறுபாடு தெரியவில்லை. ஆனால், தமிழர்கள் 2000 ஆண்டுகளிற்கு முன்னரே மீன்-கோள்(star vs planet) வேறுபாட்டினை அறிந்திருந்தனர் என்பதற்குச் சான்றாக `நீனிற விசும்பின் ..` என்ற பட்டினப்பாலை பாடல் உள்ளது.


1554065872823.png




>>>பார்தீர்களா! தமிழைப் (கோள்) பயன்படுத்தும்போது, நீங்கள் மொழித்தூய்மை பேணுவது மட்டுமல்ல, அறிவியல்- பழந்தமிழ் வாழ்வியலினையும் கண்டுகொள்ளலாம். மறுபுறத்தில் மூடநம்பிக்கைகளின் கூடாரமான சமற்கிரதத்தை பயன்படுத்துவதுதான் நாகரீகம் என எண்ணும் எம்மவரை என்ன சொல்வது!!!

👉தமிழ்ச்சொற்கள்👇👇👇

Star = விண்மீன்

Planet = கோள்

Nine planets = ஒன்பான் கோள்கள்

Sun = ஞாயிறு/ கதிரவன் ((சூரியன் வடமொழிச்சொல்)

Moon = மதி/ நிலா (சந்திரன் வடமொழிச்சொல்).


நன்றி : திரு வி .இ குகநாதன் .
 
Top