இதழ் 5

Rosei Kajan

Administrator
Staff member
#1
w.jpg





செந்தூரத்தின் வாசக நெஞ்சங்களுக்கு அன்பு வணக்கம்!

குழந்தை வளர்ப்பு என்பது அத்தனை சாதாரணமான ஒன்றல்ல. எதிர்கால சமுதாயத்தின் மேன்மை மிக்க மனிதர்களை உருவாக்கும் மிகச் சிறந்த முயற்சி அது. அந்த வளர்ப்பிலே முளையிலே கிள்ள வேண்டியது அவர்களின் பிடிவாதம். தங்களுக்கு வேண்டியதை நிறைவேற்றிக்கொள்வதற்காக அழுது, அடம்பிடித்து, ஆர்ப்பாட்டம் செய்யும்போது கோபப்படாமல் கண்டுகொள்ளாமல் இருக்க வேண்டும். தன் செயல்களுக்கு பிரதிபலிப்பு இல்லை என்று தெரியும்போது அழுகையை நிறுத்திவிட்டு இயல்பாகிவிடுவர். பெற்றவர்களின் பிரதிபலிப்புகள்தான், அவர்களின் செயல்களுக்கான உந்துசக்தியாக பிறகு பிறகு மாறிவிடும் என்பதனை பெற்றவர்கள் கவனத்தில் கொள்ளுதல் வேண்டும்!

அவர்களின் கேள்விகளுக்கு, ஆசைகளுக்குப் பெற்றவர்கள் இருவருமே ஒரே பதிலைச் சொல்லுதல் சிறப்பானதாகும். தந்தை மாட்டேன் என்று சொல்வதைத் தாய் செய்து கொடுக்கும் போது, யாரிடம் எதை எப்படிக் கேட்டு வாங்கிக்கொள்ளலாம் என்பதனைக் கற்றுக்கொள்கிறார்கள் குழந்தைகள்.

சாப்பிடுவதற்கு, கதைப்பதற்கு, நடப்பதற்கு என்று ஒவ்வொரு சின்ன விசயத்தையும் எப்படிக் கற்றுக் கொடுக்கிறோமோ அப்படியே மறுப்பினை ஏற்றுக்கொள்ளவும், தோல்விகளை எதிர்கொள்ளவும் கற்றுக்கொடுத்தல் வேண்டும். ஒன்றை வாங்கித்தரச் சொல்லிக் கேட்டால், ‘இன்று முடியாது. நாளை வாங்கித் தருகிறேன்’ என்று அன்பாகச் சொல்ல வேண்டும். அடம் பிடித்தாலும், நாளைதான் என்பதில் முடிவாக இருத்தல் வேண்டும். அப்போதுதான் மறுப்பைப் பழகுவார்கள். நம் உறுதியின்மை அவர்களின் பிடிவாதத்துக்கான வித்து. அதேநேரம், சொன்னதைப் பெரியவர்கள் செய்யும்போதுதான், அவர்களும் சொன்னதைச் செய்வதற்குப் பழகுவார்கள். ஒரு விளையாட்டில் கூட நம் பிள்ளைதான் என்று தோற்காதீர்கள். அவர்களையும் தோற்க வையுங்கள். வென்று காட்டு என்று மறைமுகமாய் ஊக்கம் கொடுங்கள். அப்போதுதான், தோல்வி கொடுக்கும் உந்துதலில் முனைப்பாக நின்று வெல்லத் துணிவார்கள்.

கையில் காசில்லையா, வீட்டில் ஏழ்மையா எதுவாக இருந்தாலும் குழந்தைகளுக்கு விளங்கும் வகையில் எடுத்துச் சொல்லுதல் சிறப்பு. முடியாது என்கிற பொதுவான மறுப்பை விட ஏன் முடியாது என்கிற விளக்கத்துடனான மறுப்பிற்கு பலன் அதிகமாயிருக்கும். வீட்டு நிலைமையை நீங்கள் எடுத்துரைக்க உரைக்கத்தான் அவர்களும், இதுதான் நம் நிலைமை என்பதை உணர்வார்கள். அதன்படி தாங்களே நடக்கவும் முனைவார்கள்.

என் பிள்ளைக்கு பிடிவாதம் அதிகம் என்றோ, அவன் அப்படித்தான் என்றோ நீங்களே சொல்லிச் சொல்லி அதுதான் என் இயல்பு என்று அவர்களையே நினைக்க வைக்காதீர்கள். குழந்தைகள் தவறு செய்திருக்கிறார்கள் என்றால், நீங்கள் உங்கள் வளர்ப்பில் எங்கோ தவறிழைத்திருக்கிறீர்கள் என்பதே மெய்யான பதிலாகும்.

ஊக்கம் கொடுப்போம். உற்சாகமளிப்போம். முழிப்போடிருந்து வளர்ப்போம். நாளைய உலகத்துக்கான நல்முத்துக்களை வழங்கியிருக்கிறோம் என்கிற பெறுபேற்றினை பெற்றிடுவோம் என்கிற நம்பிக்கையோடு,

நட்புடன் செந்தூரம்



உங்கள் ஆக்கபூர்வமான கருத்துகளையும் பகிர்ந்து கொள்ளலாம். இதழ் தொடர்ந்து வெளிவர ஆக்கங்கள் தரும் எழுத்தாளர்களுக்கு மனம் நிறைந்த நன்றியும் அன்பும்!





செந்தூர உலா - 'சர்வதேச திரைப்பட விழா'- யாழ்ப்பாணம்

செந்தூர வானில் - மருத்துவர் உமேஸ்வரன் அருணகிரிநாதன்

உஷ் ...இது ரகசியமல்ல !- உஷாந்தி கௌதமன்

செந்தூரம் சிறுகதை - செந்தூரன் - நிதனி பிரபு

செந்தூரம் தொடர்கதை- உன்னில் என்னைத் தொலைத்தேனடி! -நிதனிபிரபு

கவிதைக்காதலன்

தனித்துவமான படைப்பு - முகிலன்

ஆஹா! சமைக்கலாமே ...

போவோமா ஊர்கோலம்?

செந்தூரம் ஸ்கோப்

தீர்த்துத்தான் பாருங்களேன்!

என் தாய்த் தமிழே!- கிரந்தம் தவிர்




இதழ் 5 Amazon

 
Last edited:
#2
Hi akka,

akka karthikai minithal innum upload pannalaiya inga.....please pannunga akka
 

Rosei Kajan

Administrator
Staff member
#3
Hi akka,

akka karthikai minithal innum upload pannalaiya inga.....please pannunga akka
இதோ வந்திட்டேன் மா ...
 
Top