உன்னில் என் நெஞ்சம் தடுமாறுதே! – தேனு ராஜ்

  

பூஜா — வீட்டில் இருப்பவர்களுக்கு அமைதியானவள்…. அலுவலகத்தில்  குறும்பு பெண்… கண்டிப்பான தாத்தா, பாசமான பெற்றோர், அன்பான தங்கை வீணா அனைவரையும் விட்டு, கொழும்புவில் வேலைக்கு வந்து, தன் பெரியன்னையுடன் தங்கி இருக்கும் அழகு புயல்..


ரஞ்சித் — இடிமாடு… இதுவும் பூஜா வைத்த பெயர் தான். எதிர்பாராமல் இரு இடத்தில் அவளின் மேல் மோத… பார்த்த முதல் பார்வையிலேயே அவனின் மனக்கதவை திறந்து நுழைந்தவள். காதலித்து தான் திருமணம் செய்வேன் என்று பேசி வீட்டாரின் சம்மதத்துடன் காத்திருப்பவன்.

சமிந்த — பூஜா வேலை பார்க்கும் அலுவலகத்தில் அசிஸ்டன்ட் கமிஷனர் …. பெருச்சாளி, கல்லூலி மங்கன், கொம்பேறி மூக்கன், சிடுமூஞ்சி என இன்னும் பல பட்டப்பெயர்களால் பூஜாவால் அழைக்கப்படும் மாமனிதன்.

வேலை சம்பந்தமாக பீல்டுக்கு போக முடியாமல் பூஜாவும், அதற்கு வந்தே ஆக வேண்டும் என்று சமிந்தவும்  முறைத்துக்கொண்டு இருக்க…. அவனுக்கு தமிழ் தெரியாது என்று நினைத்து பூஜாவும், வனியும் பேச…. ஒரு கட்டத்தில் அவன் பூஜாவிடம் தன் காதலை சொல்ல… அவளுக்கும் அவன் மேல் இருந்த நேசத்தில் வாயால் சம்மதம் சொல்லாவிட்டாலும் கூட அவளின் நேசத்தை அவனுக்கு உணர்த்த ஆனால் தன் வீட்டாருக்காக காதல் பிறந்த அதே நாளில் மரித்தும் போகிறது. 

ரஞ்சித்தின் அம்மா ரேணு முப்பது வருடங்களுக்கு முன் செய்த காதல் திருமணத்தால்  வீட்டை விட்டு பிரிந்து மனம் வருந்த… அவரின் வீட்டு மனிதர்களை தேடி கண்டுப்பிடிக்க ரஞ்சித் உறுதி கொள்ள… 

ரஞ்சித் & சமிந்த யார்….? இருவருக்கும் உள்ள தொடர்பு என்ன…??

பூஜா தன் காதலை மறைக்க என்ன காரணம்…??

பூஜா யாருடன் இணைவாள்….??


ரஞ்சித் தன் அம்மாவின் உறவுகளை தேடி கண்டுப்பிடிப்பானா…??

ரஞ்சித், சமிந்த & பூஜா மூவருக்கும் உள்ள உறவு என்ன…??

அழகான ஒரு காதல் கதையை குடும்ப பின்னணியில் … சில பல திருப்பங்களுடன் ரொம்ப இயல்பா… அழகா சொல்லி இருக்காங்க ரோசி அக்கா… கதை நல்லா இருக்கு…. படிக்காதவர்கள் படிக்கலாம்..!

Advertisements